'تعلیم یافتہ افراد سے بھیک مانگ کر محمد علی جوہریونیورسیٹی کو بچائیں گے'

رامپور میں سماجوادی پارٹی کے رکن پارلیمان اعظم خاں کے ذریعہ قائم کردہ محمد علی جوہر یونیورسٹی پر خطرات بڑھتے جا رہے ہیں۔ یونیورسٹی کے صدر دروازے کو منہدم کرنے کے فیصلہ کو رامپور کی ضلع عدالت نے برقرار رکھا ہے۔

ریاست اترپردیش کے رامپور میں محمد علی جوہر یونیورسٹی کے دروازے کو منہدم کیے جانے کے فیصلہ سے متعلق ایس ڈی ایم کے ذریعہ کورٹ کے فیصلے کو برقرار رکھنے کا حکم نامہ سنائے جانے کے بعد ملک بھر سے مختلف ردعمل سامنے آ رہے ہیں۔

اس معاملے پر سماجوادی سمرتھک مورچہ کے قومی صدر عظیم اقبال ایڈووکیٹ نے اپنے سخت ردعمل کا اظہار کرتے ہوئے کہا کہ جوہر یونیورسٹی کے دروازہ کے قریب اگر کسی کی زمین آ رہی ہے تو ہم ان کو ملک بھر سے تعلیم دوستوں سے بھیک مانگ کر رقم ادا کر دیں گے۔ لیکن خدارا تعلیمی ادارہ کےدروازہ کو منہدم ہونے سے بچائیے۔

رامپور میں سماجوادی پارٹی کے رکن پارلیمان اعظم خاں کے ذریعہ قائم کردہ محمد علی جوہر یونیورسٹی پر خطرات کے بادل بڑھتے ہی جا رہے ہیں۔ اسلامی طرز تعمیر کی عکاسی کا مظاہرہ کرتا محمد علی جوہر یونیورسٹی کا صدر دروازہ کو منہدم کرنے کے فیصلہ کو رامپور کی ضلعی عدالت نے برقرار رکھا ہے۔

اس سے ملک بھر کے محبان تعلیم کافی تشویش میں ہیں۔ سماجوادی سمرتھک مورچہ کے قومی صدر عظیم اقبال ایڈووکیٹ نے اپنے سخت ردعمل کا اظہار کرتے ہوئے کہا کہ خدارا تعلیمی ادارے کے اس گیٹ کو منہدم ہونے سے بچائیے۔
مزید پڑھیں:

عظیم اقبال ایڈووکیٹ نے کہا کہ جن لوگوں نے یونیورسٹی کے دروازہ کے خلاف مقدمہ درج کرائے ہیں میں ان سے اپیل کرتا ہوں کہ اگر آپ کی کوئی زمین آ رہی ہے تو ہم آپ کو کو ملک بھر کے تعلیم یافتہ افراد سے چندہ جمع کرکے دے دیں گے۔ لیکن آپ برائے مہربانی اس تعلیمی ادارہ کومنہدم ہونے سے بچایئے۔
ساتھ ہی انہوں نے یہ بھی کہا کہ یہ ابھی ضلعی عدالت کا فیصلہ ہے۔ یونیورسٹی کے فریق کمشنر اور ہائی کورٹ میں بھی اپیل دائر کریں گے۔