بارہ بنکی: راجیو گاندھی ضلع سطحی مقابلہ آن لائن ہوگا

کانگریس پارٹی کی جانب سے راجیو گاندھی ضلع سطحی جنرل نالیج مقابلہ امسال کووڈ-19 کے باعث آن لائن ہوگا۔

ریاست اتر پردیش کے بارہ بنکی میں کانگریس پارٹی کے ریاستی ترجمان تنج پنیا نے اپنی رہائش گاہ پر راجیو گاندھی ضلع سطحی جنرل نالیج مقابلہ کی جانکاری دیتے ہوئے بتایا کہ کورونا وائرس کی وجہ سے امسال مقابل آئن ہوگا جو 13 سے 17 ستمبر کے درمیان ہوگا۔ انہوں نے کہا کہ 16 سے 22 برس کے طلبہ اس مقابلے میں شرکت کرسکتے ہیں. کامیاب امیدواروں کو لیپ ٹاپ، ٹیبلیٹ اور دیگر انعامات سے نوازے جائیں گے۔

پنیا نے بتایا کہ اس مقابلے کے نتائج گزشتہ برس بہتر رہے تھے. اس لئے یہ طئے کیا گیا ہے کہ یہ مقابلہ اب ہر برس ہوگا.

اس مقابلے کےآن لائن داخلے شروع ہو گئے ہیں. اب تک دو لاکھ سے زیادہ داخلے ہو چکے ہیں. طلبہ یواجوش ڈاٹ ان ویب سائٹ پر جاکر اپنا رجسٹریشن کرا سکتے ہیں.

تنج پنیا نے بتایا کہ اس برس یہ مقابلہ صرف 30 منٹ کا ہوگا. جس میں جنگ آزادی، بھارت کی معاشی طرقی، بھارت میں مشین اور کارخانوں کی طرقی، غذائی تحفظ قانون، منریگا اور راجیو گاندھی سے متعلق 60 سوال پوچھے جائیں گے.

انہوں نے بتایا کہ اس برس اس مقابلے میں 18 لاکھ طلبہ کو شامل کرانے کا ہدف رکھا گیا ہے۔
قابل غور ہو کہ نئی نسل کو راجیو گاندھی کے کاموں سے متعلق معلومات فراہم کرانے کے مقصد سے یہ مقابلہ کرایا جا رہا ہے.