پرینکا نے اناؤ کے واقعہ پر سپریم کورٹ کے فیصلے کا خیر مقدم کیا

کانگریس کی جنرل سکریٹری پرینکا گاندھی وڈرا نے اترپردیش کے اناؤ میں آبروریزی سے متاثر لڑکی کے معاملے کی سماعت دہلی میں کرنے کے سپریم کورٹ کے فیصلے کا خیرمقدم کرتے ہوئے کہا ہے کہ وہ عدالت کے شکرگذار ہیں کہ اس نے اترپردیش کے جنگل راج پر نوٹس لیا ہے۔

محترمہ گاندھی نے جمعرات کو ٹوئٹ کیا کہ ’’سپریم کورٹ کا شکریہ ادا کرتی ہوں کہ اس نے اترپردیش میں چل رہے جنگل راج پر نوٹس لیا ہے۔‘‘

کانگریس کے مشرقی اترپردیش کی انچارج نے بھارتیہ جنتا پارٹی پر حملہ کرتے ہوئے کہا ہے کہ ملزموں کو بااختیار بنانے والی بھارتیہ جنتاپارٹی کو اس جرم کی سنگینی سمجھ میں آئی ہے اوراس نےا پنے رخ میں تبدیلی کرتے ہوئے متاثرہ کو انصاف دلانے والے اقدامات کئے ہیں۔ اس کے ساتھ ہی انہوں نےآبروریزی کے ملزم بی جے پی کے ایم ایل ے کلدیپ سنگھ سینگر کو پارٹی سے نکالنے والی خبر بھی پوسٹ کی ہے۔