سابق بی ایس پی رکن اسمبلی کا بیٹا گرفتار

لکھنئو کے گومتی نگر میں بی ۔ٹیک طالب علم قتل کے معاملے میں پولیس نے لکھیم پور کھیری اسمبلی حلقے سے بہوجن سماج پارٹی(بی ایس پی) کے سابق رکن اسمبلی سمر بہادر کے بیٹے کو گرفتار کیا ہے۔

اترپردیش کی راجدھانی لکھنؤ کے گومتی نگر علاقے میں بی ۔ٹیک طالب علم کے قتل کے معاملے میں پولیس نے لکھیم پورکھیری اسمبلی حلقے سے بہوجن سماج پارٹی(بی ایس پی) کے سابق رکن اسمبلی سمر بہادر کے بیٹے کو گرفتار کیا ہے۔

پولیس نے بتایا کہ سابق رکن اسمبلی کے بیٹے امان بہادر کو پرشانت سنگھ کے قتل کے معاملے میں ملوث ہونے کے پاداش میں گرفتار کیا گیا ہے۔

پرشانت کا گومتی نگر علاقے میں ایک فلیٹ میں بہیمانہ قتل کردیا گیا تھا۔حادثے کی وجہ بی بی ڈی کالج کے طلبہ کے درمیان ذاتی تنازعہ بتایا جا رہا ہے۔ مزید تفتیش جاری ہے۔