بارہ بنکی: مہاتما گاندھی کی برسی پر رہنماؤں کا خراج عقیدت

سابق وزیر اروند سنگھ گوپ نے نوجوانوں سے اپیل کی کہ وہ گاندھی جی کے بتائے ہوئے راستے پر چلیں۔

ریاست اتر پردیش کے ضلع بارہ بنکی میں سنیچر کو بابائے قوم مہاتما گاندھی کی برسی پر انہیں خراج عقیدت پیش کی گئی۔ اس موقع پر گاندھی بھون میں روائیتی انداز میں دو منٹ کا مون رکھا گیا۔ اس کے بعد تمام مقررین نے مہاتما گاندھی کی شخصیت و افکار اور ان کے کار حائے نمایاں پر روشنی ڈالی۔ ساتھ ہی ان کے بتائے راستے پر چلنے کا عزم بھی لیا گیا۔

اس کے بعد مہاتما گاندھی پر سیمنار کا انعقاد کیا گیا۔ اس موقع پر سابق وزیر اروند سنگھ گوپ نے نوجوانوں سے اپیل کی کہ وہ گاندھی جی کے بتائے ہوئے راستے پر چلیں۔ انہوں نے کہا کہ مہاتما گاندھی کے بتائے راستے پر چلے بغیر وہ کامیاب نہیں ہو سکتے۔

اس موقع پر گاندھی نواز مفکر نے کہا کہ مہاتما گاندھی کے خیالات کو مذہبی تفریق ڈال کر ختم نہیں کیا جا سکتا۔ انہوں نے کسانوں کے احتجاج کا نمونہ پیش کرتے ہوئے کہا آج بھی گاندھی جی کے جد و جہد، تحریک اور امن و امان کی اتنی ہی انفرادیت ہے۔ انہوں نے یہ بھی کہا کہ گاندھی کے قاتلوں کا اپنا نظریہ رہا ہوگا، لیکن آج بھی ملک میں اکثریت گاندھی جی کے ماننے والوں کی ہے۔ یہی وجہ ہے کہ حکومتوں کو مجبوری میں گاندھی کا جی کا نام لینا پڑتا ہے۔