عوامی مسائل کے حل کے لیے'مہاچوپال'

بارہ بنکی کے ہرکھ گاؤں میں گذشہ روز 'مہا چوپال' منعقد کی گئی۔ اس میں ضلع کے تمام افسران سمیت کل 42 محکموں کے اسٹال بھی لگائے گئے تھے، جن پر لوگوں نے اپنی اپنی شکایات درج کرائیں۔

ریاست اترپردیش کے ضلع بارہ بنکی میں عوامی مسائل کو حل کرنے کے لئے انتظامیہ کی جانب سے بڑی پہل کی گئی۔

ضلع کے ہرکھ گاؤں میں مہاچوپال کا اہتمام کیا گیا، جس میں لوگوں کی شکایات کو حل کرنے کے ساتھ لوگوں کو مختلف محکموں کی اسکیمز سے روبرو بھی کرایا گیا، انتظامیہ کی کوشش ہے کہ جس گاؤں میں چوپال لگے وہاں کے تمام مسئلوں کو ختم کیا جائے اور اس کے لیے وہاں کئی دنوں تک محکمے کے ملازم آتے جاتے بھی رہیں گے۔

واضح رہے کہ بارہ بنکی کے ہرکھ گاؤں میں گذشہ روز کو منعقد کی گئی مہا چوپال میں ضلع کے تمام افسران سمیت کل 42 محکموں کے اسٹال بھی لگائے گئے تھے، جن پر لوگوں نے اپنی اپنی شکایات درج کرا ئیں۔

انتظامیہ کی جانب سے کیے گئے ان اقدامات سے لوگ کافی خوش تھے،ساتھ ہی کچھ لوگوں کا یہ بھی ماننا ہے کہ گاؤں کے مسئلے اتنی آسانی سے حل نہیں ہو سکتے۔ اسلئے ایسے پروگرام وقتا فوقتا منعقد ہوتے رہنےچاہئے۔