بجلی نہ ہونے پر موبائل کا ٹارچ جلا کر علاج

ریاست اترپردیش کے بلیا کے ضلع ہسپتال میں بجلی نہ ہونے کی وجہ سے یہاں ڈاکٹرز رات کو موبائل جلا کر مریضوں کا علاج کر رہے ہیں۔

اطلاعات کے مطابق بلیہ کے ضلع ہسپتال میں دو روز سے بجلی نہیں ہے۔ بتایا جا رہا ہےکہ ہسپتال میں جنریٹر بھی کام نہیں کر رہا ہے۔

تیماردار ابھیشیک کے مطابق وہ اپنے والد کو علاج کے لیے ہسپتال لائے تھے۔ دن کے اجالے میں تو سب ٹھیک تھا۔ لیکن سورج ڈوبنے کے بعد اندھیرے میں موبائل کے فلیش میں والد کا علاج کیا جا رہا ہے۔

بجلی نہ ہونے کے سبب مریضوں اور تیمار داروں کا گرمی سے برا حال ہے۔ تیمار داروں کا کہنا ہےکہ بجلی نہ ہونے کی وجہ سے لوگوں کو مشکلات کا سامنا ہے لیکن انتظامیہ اس پر کوئی توجہ نہیں دے رہا ہے۔