اعظم خان کے خلاف چارج شیٹ کا سلسلہ جاری

خبروں میں رہنے والے سماجوادی پارٹی کے سینئر رہنما اور رکن پارلیمان اعظم خان کی پریشانیاں دن بہ دن بڑھتی جا رہی ہیں۔

اتر پردیش پولیس نے حالیہ ہوئے لوک سبھا انتخابات میں ان کے کئی متنازع بیان کے معاملے میں پھر اعظم خان کے خلاف 13 مزید مقدمات کی چارج شیٹ داخل کی ہے۔

اعظم خان کے خلاف چارج شیٹ کا سلسلہ جاری

واضح رہے کہ اس سے قبل ان کے خلاف دو مختلف چارج شیٹ داخل کیے گئے ہیں۔

پولیس نے اعظم خان کے بیٹے عبداللہ اعظم خان کے خلاف بھی بی جے پی کی رہنما جیا پردا کی طرف اشارہ کرنے والے 'خاکی انڈرویئر' والے تبصرہ پر چارج شیٹ داخل کی ہے۔

وہیں اب پارلیمان ہاؤس میں بی جے پی کی رکن پارلیمان رما دیوی کے خلاف قابل اعتراض تبصرہ کرنے کے بعد کئی رہنماؤں نے اس کی مذمت کی تھی۔ ریاست اترپردیش کے سابق وزیر اعلیٰ اکھیلیش یادو نے اعظم خان کی جانب سے قابل اعتراض بیان کا دفاع کیا تھا۔