ریاست اتر پردیش کے ضلع بارہ بنکی میں بابائے قوم مہاتما گاندھی کی 150 ویں سال گرہ، اور بھارت چھوڑو تحریک کی 77ویں سال گرہ کے موقع پر گاندھی اپون کا قیام کیا گیا ہے
گاندھی اپون میں مہاتما گاندھی کے پسندیدہ تمام پیڑوں سمیت 1100 شجر لگائے گئے ہیں۔آنے والے دنوں میں گاندھی اپون کو اکولوجکل گارڈین کے طورپر ڈیولپ کیا جائے گا۔
مہاتما گاندھی کی 150ویں سال گرہ اور بھارت چھوڑو تحریک کی 77ویں سال گرہ کو یادگار بنانے کے لئے بارہ بنکی انتظامیہ نے بڑی پہل کے ساتھ کئی رکارڈ بنائے ہیں۔
ریاستی سطح پر شروع کی گئی شجرکاری مہم کے تحت بارہ بنکی میں 44 لاکھ شجرلگانے ہیں جبکہ اس مہم کے آغاز کے پہلے گھنٹے میں ہی 16 لاکھ شجر لگا دئے گئے۔
ان سب میں سب سے خاص ہے بارہ بنکی سے 8 کلومیٹر دور قائم کی گئی گاندھی اپون، جن میں مہاتما گاندھی کے پسند یدہ شجر لگائے گئے ہیں.
گاندھی اپون میں اس وقت 1100 شجر لگائے گئے ہیں۔اطلاع کے مطابق انتظامیہ یہاں گوشالہ کا قیام عمل میں لائے گی اور انتظامیہ کی کوشش ہے گاندھی اپون کے تمام علاقہ کو اکولوجکل گارڈین کے طور پر ڈیولپ کرے گی۔جس سے کسانوں کو بھی کافی فائدہ ہوگا.
ماحولیات میں دلچسپی رکھنے والے لوگ گاندھی اپون کے قیام کے فیصلے سے کافی خوش ہیں۔
لیکن ان کی نگرانی کو لیکر تشویش میں ہیں، کیوںکہ شجرکاری بڑے پیمانے پر کی تو جاتی لیکن نگرانی کے فقدان کے باعث ماحولیات کاکوئی فائدہ نہیں ہوتا
ایسے ماحولیات کے لئے کام کرنے والوں کا مطالبہ ہے کہ اس کی جانب غور کیا جائے.