اتر پردیش کے ضلع امروہہ کے نوگاواں سادات کوتوالی علاقے میں گھر کے سامنے ہی بدمعاشوں نے نوجوان کو گولی مار دی۔ ایس پی نے ملزم کو گرفتار کرنے کے لئے ٹیم تشکیل دی ہے۔
کرن سنگھ نام کے اس نوجوان کی گولی لگنے کے بعد موقع پر ہی موت ہو گئی۔ گولی کی آواز سن کر آئے کنبہ والوں میں نوجوان کی لاش دیکھ کر کہرام مچ گیا اور موقع پر ہزاروں کی تعداد میں لوگ جمع ہو گئے۔
قتل کی اطلاع ملنے پر ایس پی امروہہ سنتی موقع پر پہنچی۔ انہوں نے نوجوان کے اہل خانہ کو تسلی دی اور قاتلوں کو گرفتار کرنے کی یقین دہانی کرائی۔
یہ بھی پڑھیں: بدایوں: کورونا کی وجہ سے ہولی کا رنگ پھیکا
سپرنٹنڈنٹ پولیس امروہہ سنتی نے بتایا کہ ملزم کے بارے میں معلوم ہو چکا ہے، اس کا نام سونو ہے اور اس کی پرانی دشمنی تھی۔ اُنہوں کہا کہ ملزم کو گرفتار کرنے کے لیے ٹیم تشکیل دے دی گئی ہے۔ جلد ہی ملزم کو گرفتار کر لیا جائے گا۔