بجلی انتظامیہ کے خلاف جونئیر انجینئرز کا احتجاج

ریاست اتر پردیش کے ضلع بارہ بنکی میں بجلی انتظامیہ کی پالیسیز کے خلاف راجیہ ودیوت پریشد جونیئر انجینئرز تنظیم کی اپیل پر بارہ بنکی کے تمام جونیئر انجینئرز نے مشعل جلوس نکالا اور بجلی انتظامیہ کے خلاف احتجاج کیا۔

جونئیر انجینئرز نے انتباہ دیا ہے کہ جب تک ان کے مطالبات پر غور نہیں کیا جاتا تب تک ان کا احتجاج جاری رہے گا۔

جونئیر انجینئرز کا الزام ہے کہ 'بجلی انتظامیہ کی ضد، ملازم مخالف پالیسی اور تاناشاہ رویہ کی وجہ سے ان کا کافی نقصان ہو رہا ہے۔'

ان کا مزید کہنا ہے کہ 'وہ اپنے جائز مطالبات کو لیکر 8 اگست سے مسلسل احتجاج کر رہے ہیں لیکن ان کی کوئی بات نہیں سنی جا رہی ہے۔'

جونئیر انجینئرز کا مشعل جلوس بارہ بنکی کے چھایا چوراہے سے شروع ہو کر پٹیل تراہے پر اختام پذیر ہوا۔ اس دوران جونیئر انجینئرز نے بجلی انتظامیہ کے خلاف نعرے بازی کی۔