ورتیکا سنگھ نے بابری مسجد کے مدعی اقبال انصاری پر ان کے ساتھ بدتمیزی کرنے کا الزام عائد کیا تھا جس پر اقبال انصاری نے کہا کہ 'میں ہمیشہ ملک کے مفاد کی باتیں کرتا ہوں اور حکومت کی تعریف اور ان کی صحیح پالیسی کی حمایت بھی کرتا ہوں۔'
انہوں نے مزید کہا کہ 'میں اس ملک کا شہری ہوں اور میں قانون کی پاسداری بھی کرتا ہوں، میں نے کبھی بھی ملک کے خلاف کچھ نہیں کہا۔'
برتیکا سنگھ کے بے بنیاد الزامات تحقیقات کے بعد صاف ہو جائیں گے، مجھے لگتا ہے ورتكا سنگھ کسی سازش کا شکار ہیں۔
واضح رہے کہ انٹرنیشنل پلیئر شوٹر ورتیکا سنگھ نے اقبال انصاری کے خلاف ایودھیا کے ضلعی اور سیشن عدالت میں مقدمہ درج کرنے کی بات کہی ہے۔
ورتیکا سنگھ نے اقبال انصاری پر الزام عائد کیا کہ 'جس دن یہ واقعہ پیش آیا اس دن انصاری نے مجھ سے ایک بار بدتمیزی کی تھی۔ میں نے صرف اپنی بات رکھی تھی لیکن اچانک وہ ناراض ہو گئے اور مجھ سے غلط باتیں کرنے لگے یہاں تک کہ انہوں نے بھارت کے قانون کو بھی گالیاں دیں اور یوگی و مودی حکومت کو بھی گالیاں دیں اور یہ بھی کہا کہ ہم ایودھیا میں پاکستان بنانا چاہتے ہیں۔'