ریاست اترپردیش کے ضلع بہرائچ کے بلاک نواب گنج کے تحت ستی زور گاؤں میں کسان ممتاز اپنے گندم کی فصل کھیت سے کاٹ کر ٹرالی میں بھر رہے تھے تبھی بجلی کا 11 ہزار واٹ ہائی ٹینشن تار اچانک ٹرالی پر جا گرا جس سے گیہوں کی فصل جل کر راکھ ہو گئی۔
کسان ممتاز کے مطابق وہ اپنے فصل کو کھیت سے کاٹ کر ٹرالی میں بھر کر گھر جانے کی تیاری کر رہا تھا کہ اچانک 11 ہزار واٹ بجلی کی لائن ٹرالی پر گری اور دیکھتے ہی دیکھتے پوری فصل جل کر راک بن گئی۔
آگ سے کسان ممتاز کا ہزاروں روپیہ کا نقصان ہو گیا غنیمت تھا کہ اس وقت کوئی آدمی ٹرالی پر نہیں تھا اور ٹریکٹر بھی نہیں لگا تھا نہیں تو جانی و مالی نقصان اور زیادہ ہو سکتا تھا-
محکمہ بجلی کی لاپرواہی سے آئے دن اس طرح کے واقعات پیش آتے رہتے ہیں مگر محکمہ بجلی اس پر توجہ نہیں دیتا اور نا نقصان کی بھرپائی ہی کرتا ہے تا کہ کسانون کو کچھ راحت مل سکے۔
وہاں موجود لوگوں کی سوجھ بوجھ کے سبب آگ کو پھیلنے سے روکا گیا جو کسی بڑے واقعے کا سبب نہیں بن سکا اور دوسرے کھیتوں کو بھی نقصان ہونے سے بجایا گیا، اگر آگ پر قابو نہ پایا جاتا تو آگ سیکڑوں کھیتوں میں پھیل سکتی تھی۔
