پرتاپ گڑھ: زہریلی شراب پینے سے چار افراد کی موت

پرتاپ گڑھ میں زہریلی شراب پینے سے ایک خاتون سے سمیت چار افراد کی موت ہوگئی ہے، انسپکٹر جنرل آف پولیس پریاگ راج کویندر پرتاپ سنگھ نے اس معاملے کے پیش نظر پانچ پولیس اہلکار کو معطل کردیا ہے۔

اترپردیش کے ضلع پرتاپ گڑھ میں زہریلی شراب پینے سے ایک خاتون سے سمیت چار افراد کی موت ہوگئی ہے، اس ضمن میں تھانہ نواب گنج کے ایس او، دو بیٹ داروغہ و دو سپاہیوں کو انسپکٹر جنرل آف پولیس پریاگ راج کویندر پرتاپ سنگھ نے آج معطل کردیا ہے۔

فرائض کے تئیں لاپرواہی کا مظاہرہ کرنے کے الزام میں پولیس اہلکار کو معطل کیا گیا ہے۔ کویندر سنگھ آج پرتاپ گڑھ پہنچے تھے۔ اور معاملے کی جانچ کی۔ مرنے والے سبھی افراد تھانہ سنگرام گد کے منوہر پور رام پور ڈاوی کے رہنے والے تھے اور تھانہ نواب گنج کے نیا کا پوروا گاوں کے ایک شخص کے گھر سے شراب خرید کر پی تھی۔

پولیس کے مطابق شراب فروش کے بھائی اور اس کی بیوی کو گرفتار کرلیا گیا ہے۔