اترپردیش میں خواتین اور لڑکیوں کے خلاف بڑھتے جنسی جرائم پر روک لگانے کے مقصد سے ریاستی حکومت کی جانب سے مشن شکتی ابھیان چلایا جا رہا ہے۔ تعلیمی اداروں میں مختلف پروگراموں کا اہتمام کرکے لڑکوں اور لڑکیوں کو ان کے فرائض سے آگاہ کرانے کی کوششیں کی جا رہی ہیں۔
جوہر یونیورسٹی کے زیر اہتمام اکونامک اسٹیٹ آف وومین ان انڈیا پروگرام کا انعقاد رامپور میں واقع محمد جوہر یونیورسٹی کی جانب سے بھی پابندی کے ساتھ مشن شکتی ابھیان کے تحت پروگراموں کا اہتمام مسلسل کیا جا رپا ہے۔ آج شعبۂ اقتصادیات کی جانب سے اکونامک اسٹیٹ آف وومین ان انڈیا پروگرام کا آن لائن انعقاد کیا گیا۔
پروگرام کا آغاز کاشفہ خان نے مہمانوں کے استقبال سے کیا۔ جبکہ صدارتی خطاب وائس چانسلر پروفیسر سلطان محمد خان نے دیا اور اس پروگرام کی اہمیت پر روشنی ڈالی۔
رامپور میں واقع محمد جوہر یونیورسٹی پروگرام کے مقرر خاص سی ایس ساگر اگروال نے اپنے کلیدی خطاب میں موضوع سے متعلق کئی باتوں کا تذکرہ کیا۔ اس موقع پر شوبھی اگروال نے بھی اپنے خیالات کا اظہار کیا۔ وہیں جوہر یونیورسٹی کی طالبات نے مختلف رہائشی علاقوں میں پہنچ کر لڑکیوں و خواتین کو اکونامک اسٹیٹ آف وومین ان انڈیا پروگرام سے متعلق جانکاری دی۔
