اتر پردیش کے ضلع بہرائچ کے تحصیل نانپارہ میں ضلع مجسٹریٹ شمبو کمار اور پولیس سپرنٹنڈنٹ ڈاکٹر وپن کمار مشرا نے مذہبی رہنماؤں کے ساتھ منعقدہ ایک میٹنگ کے دوران کہا کہ لاک ڈاؤن کی تعمیل کے لئے لوگوں کو معاشرتی فاصلے پر عمل کرنا چاہئے اور لاک ڈاؤن مدت کے دوران گھر سے باہر نہیں جانا چاہئے۔
ضلع انتظٓامیہ کی مذہبی رہنماؤں کے ساتھ نشست منعقد
ڈسٹرکٹ مجسٹریٹ اور پولیس سپرنٹنڈنٹ نے تمام مذہبی رہنماؤں سے درخواست کی کہ وہ عوام کو اپنے اپنے گھروں میں پوجا پاٹھ، تلاوت اورنماز وغیرہ کرنے کی تجویز پیش کریں۔
اس کے علاوہ باہر سے آنے والے سبھی افراد کے سلسلے میں ضلع انتظامیہ کو آگاہ کریں تاکہ ایسے لوگوں کی جانچ کی جاۓ اور کوارنٹائن میں رکھا جاسکے۔
لاک ڈاؤن کے پیش نظر اتر پریش کے ضلع بہرائچ میں انتظامیہ نے مذہبی رہنماؤں کے ساتھ نشست کی۔ ڈی ایم اور ایس پی نے تمام مذہبی رہنماؤں سے ضلع انتظامیہ کو تعاون فراہم کرنے کی اپیل کی اور کہا کہ کسی بھی قسم کی پریشانی کی صورت میں 05252-232417 پر چیف میڈیکل افسر کے دفتر میں نصب انٹیگریٹڈ کنٹرول ٹیلیفون اور موبائل نمبر 9369842855 اور 8881324365 پر آگاہ کریں۔
وہاں تعینات افسران اس مسئلے کو حل کریں گے۔
