کرونا وائرس: دانش علی نے لاکھوں روپے عطیہ کیا

ریاست اترپردیش کے ضلع امروہہ سے بہوجن سماج پارٹی کے رکن پارلیامان کنور دانش نے 'کووڈ۔19' کے پیش نظر 51 لاکھ روپے عطیہ کیا۔

دانش علی نے بتایا کہ کووڈ۔19 سے بچاؤ کے لئے ملک میں 21 دنوں کا لاک ڈاؤن ہے۔ اس ناگہانی صورت حال سے نمٹنے کے لئے انہوں نے اپنی ایم پی فنڈ سے 50 لاکھ روپے امروہہ ضلع انتظامیہ کو اور ذاتی طور سے ایک لاکھ روپے وزیراعظم راحت فنڈ میں دیا ہے۔

بی ایس پی رکن پارلیامان نے لوگوں سے لاک ڈاؤن کی پیروی کرنے اور گھروں میں رہنے کی اپیل کی ہے۔ انہوں نے کرونا وبا سے لڑائی میں اہم کردار ادا کرنے والے ڈاکٹرز اور دیگر لوگوں کا شکریہ ادا کیا۔