نوئیڈا: کانگریس کے سیکٹر اور گاؤں صدور کا اعلان

نوئیڈا کے مختلف سیکٹرز اور گاؤں کے لیے کانگریس پارٹی نے اپنے نو منتخب صدور کا اعلان کیا۔

ریاست اتر پردیش کے صنعتی شہر نوئیڈا نارتھ بلاک سے کانگریس پارٹی کے صدر جاوید خان اور نائب صدر اشرف خان نے اپنے نو منتخب کردہ سیکٹر اور گاؤں کے صدور کے ناموں کا اعلان کیا۔ اس موقع پر صدر جاوید خان نے کہا کہ' نوئیڈا کے ہر بوتھ پر ہمارے کانگریسی کارکنان موجود ہوں گے اور اس بار نوئیڈا سے کانگریس پارٹی کا رکن اسمبلی ہی منتخب ہوگا۔

انہوں نے کہا کہ' کانگریس پارٹی کی جنرل سیکریٹری اور اترپردیس کی انچارج پرینکا گاندھی وڈرا اور ریاستی صدر اجے کمار للو کی قیادت میں کانگریس نے کافی مضبوطی سے اپنے قدم آگے بڑھا ئے ہیں۔ڈمسج کے ہر طبقہ میں مقبولیت میں اصافہ ہوتا جا رہا ہے۔

بی جے پی کی ناراضگی سے عوام کانگریس کی جانب دیکھ رہے ہیں جس سے پارٹی کو مضبوط تقویت مل رہی ہے اور یہ امید لگائی جارہی ہے کہ اس بار کانگریس پارٹی اکثریت کے ساتھ اتر پردیش میں حکومت بنائے گی۔

اس دوران نارتھ بلاک صدر جاوید خان نے تنظیم کی مضبوطی کے لئے
سیکٹر 55 سے ذیشان چودھری
سیکٹر 23 سے سلمان خان،
سیکٹر 24 سے منیش چودھری
، سیکٹر 22 سے خاتون صدر پوجا گپتا اور ستیش
، سیکٹر 22 چوڑا گاؤں سے عارف سیفی عرف رینکو
سیکٹر 33 سے دانش
سیکٹر 58 گاؤں سے بیگراج دھامہ کو صدور منتخب کیا ہے۔