گاؤں پنچایت سکریٹری کے خلاف کیس درج

ریاست اترپردیش میں پرتاپ گڑھ ضلع کے تھانہ آسپور دیوسرہ پولیس نے ہفتہ کی شام ترقیاتی بلاک افسر کی شکایت پر گاوں پنچایت سکریٹری کے خلاف کروڑوں روپے کے غبن کا کیس درج کیا ہے۔

ترقیاتی بلاک افسر اشوک کمار نے بتایا کہ تحصیل پٹّی کے ترقیاتی بلاک آسپور دیوسرہ علاقے کے گاوں پنچایت اترورہ و آسپور دیوسرہ میں تعینات رہے گاوں پنچایت سکریٹری سنجے کمار پانڈے نے 17_2016 اور20_2019 صوبائی مالی اور 14 واں مالی فنڈ سے ترقیاتی کام کے 95 لاکھ 5 ہزار 331 روپیہ اور سوچھ بھارت مشن کے تحت بغیر بیت الخلاء کی تعمیر کے ایک کروڑ 24 لاکھ 85 ہزار 440 روپیہ سمیت کل دو کروڑ 19 لاکھ 90 ہزار 575 روپیہ کا غبن کیا ہے۔

واضح رہے کہ مذکورہ سکریٹری کے پاس 23 گاؤں پنچایتوں کا چارج تھا۔ اس سے قبل بھی ابراہم پور گاوں میں تعیناتی کے دوران ان کے خلاف لاکھوں روپے غبن کا کیس درج ہوا تھا۔

انہوں نے بتایا کہ ملزم گاوں پنچایت سکریٹری اس وقت معطل چل ہیں۔ ایس ایچ او وپن سنگھ نے کیس درج ہونے کی توثیق کرتے ہوئے کہا کہ مقدمہ کی تحقیقات جاری ہے ۔