کورونا وائرس کے تعلق سے بی جے پی رہنما کا مضحکہ خیز بیان

ریاست اتر پردیش کے ضلع بارہ بنکی کے نواب گنج نگر پالیکا کے چیئرمین اور بی جے پی رہنما رنجیت بہادر شریواستو نے ملک میں کووڈ-19 کا اثر نہیں ہونے کا دعویٰ کیا ہے۔

انہوں نے اس تعلق سے کہا کہ' بھارتی عوام کی جنسی قوت بہت زیادہ ہے اسلئے یہاں کے افراد پر کووڈ-19 کا اثر نہیں ہوگا'۔

متنازعہ بیان کی و جہ سے ہمیشہ سرخیوں میں رہنے والے رنجیت بہادر شریواستو نے اب کووڈ-19 پر بھی متنازعہ بیان دیا۔ انہوں نے واضح طور پر کہا ہے کہ غیر ملکی افراد کے مقابلے ملک کے عوام کی جنسی قوت بہت زیادہ ہے اسلئے یہاں کے عوام کو کووڈ-19 کا اثر نہیں ہوگا۔

اپنی بات کی تصدیق کے لیے انہوں نے کانگریس پارٹی رہنما دگ وجئے سنگھ کی مثال پیش کرتے ہوئے کہاکہ انہون نے 70 برس کی عمر مین شادی کی ہے۔ ملک کی عوام کو تمام احتیاط ضرور کرنی چاہئے۔ لیکن ڈرنا نہیں چاہئے۔

انہوں نے کہا کہ ہمارے اندر اتنی قوت ہے کہ کووڈ-19 خود بخود مررہا ہے۔