تشدد کے بعد خاتون کا قتل

مقتول خاتون کے گھروالوں کا الزام ہے کہ جہیز کا مطالبہ پورا نہ کرنے کی وجہ سے شوہر اور اسکے خاندان والوں نے خاتون کا قتل کردیا۔

اتر پردیش کے بجنور ضلع کے تھانہ دھامپور کے بڑوان علاقے میں دوپہر تین بجے کے قریب پریتی نام کی خاتون اچانک ہلاک ہوگئی۔

پریتی کے گھر والوں کا الزام ہے کہ پریتی کی شادی ہندو رسم و رواج کے مطابق سچن کے ساتھ 29 مئی کو ہوئی تھی تبھی سے اسکا شوہر جہیز کا مطالبہ کرنے لگا تھا اور جہیز نہ دینے کی وجہ سے روزآنہ پریتی پر تشدد کرتا تھا جس کی وجہ سے آج اس کے شوہر اور اسکے خاندان والوں نے پھانسی لگاکر موت کے گھاٹ اتار دیا۔

گلے پر پریتی کے گہرے نشان صاف طور سے ظاہر ہو رہاہے۔

خاندان والوں نے شوہر اور سسرال پر جان سے مارنے کا الزام لگایا ہے۔

پولیس نے لاش کو قبضہ میں لیکر پوسٹ مارٹم کے لیے بھیج دیا ہے۔