اترپردیش کے شاملی میں 3 خاندان کے 18 مسلم افراد نے ہندو مذہب اختیار کیا

اتر پردیش کے شاملی ضلع میں تبدیلی مذہب کا معاملہ سامنے آیا ہے۔ جہاں قصبہ کاندھلہ تھانہ علاقے کے سورج کنڈ مندر میں تین مسلم خاندان نے ہندو مذہب اختیار کیا ہے، دعوی کیا جا رہا ہے یہ لوگ پہلے بھی ہندو تھے جو کچھ سال قبل اسلام مذہب میں داخل ہوگئے تھے۔ پنڈت نے ہون کرا کر گھر واپسی کرائی۔

اترپردیش کے ضلع شاملی میں واقع قصبہ کاندھلہ تھانہ علاقے کے سورج کنڈ مندر میں تین مسلم خاندان نے ہندو مذہب اختیار کیا ہے۔ کنبہ کے تقریبا 18 افراد سورج کنڈ مندر پہنچے اور ہاوان پوجا کی، اس دوران ہندو مذہب کے مطابق عبادت کرتے ہوئے جینو پہن کر ہندو مذہب اختیار کر لیا۔ بتایا جا رہا ہے کہ 15 سال قبل اس کنبے نے مسلم مذہب اختیار کیا تھا لیکن اب وہ دوبارہ اپنے مذہب میں واپس آگیا ہے۔ پنڈت یش ویر مہاراج نے انہیں ہون کی پوجا کرکے ہندو مذہب کی واپسی کرائی۔

ضلع شاملی کے کانڈھلہ کے محلہ رائے زادگان کا رہائشی شہزاد اپنے تین خاندانوں کے ساتھ کاندھلا کے سورج کنڈ مندر پہنچا اور مندر کے احاطے میں منعقدہ شدھی، ہون اور یگ میں حصہ لیا۔ اس دوران ان تینوں مسلم خاندانوں کو ہندو مذہب کے مطابق منعقدہ پوجا ارچنا ہون اور یگ میں پاک کیا گیا۔ جس کے بعد مہاراج یش ویر نے سب کو جینو پہنا کر سناتن دھرم مذہب اختیار کرایا۔

ہندو مذہب کو اپناتے ہوئے شہزاد سے وکاس بننے والے نوجوان نے بتایا کہ تقریبا 15 سال پہلے اس نے مسلم مذہب اختیار کیا تھا لیکن آج اس نے دوبارہ ہندو مذہب اختیار کیا ہے۔ وکاس کی ماں نے بتایا کہ میں نے اپنے 3 بیٹوں اور ان کے خاندان کے افراد کے ساتھ ہندو مذہب اختیار کیا ہے، اسی طرح میں اپنے شوہر کو بھی اپنے مذہب میں واپس لوں گی۔ مہاراجہ یش ویر جنہوں مذہب تبدیل کرایا، نے کہا کہ زندگی میں جہالت کی وجہ سے کئی بار انسانوں سے غلطیاں ہوتی ہیں، اسی غلطی کی وجہ سے انہوں نے مسلم مذہب اختیار کیا تھا، آج پھر وہ ہندو مذہب اپنانے کے بعد گھر واپس آگئے ہیں۔ ان کا استقبال کرتے ہیں۔