Ram Navami Celebrated in Kashmir: رام نومی کے موقع پر بدھرکلی مندر میں پوجا، کشمیری پنڈتوں نے کی شرکت

جموں و کشمیر میں رام نومی کا تہوار جوش و خروش سے منایا گیا جب کہ بدھرکلی مندر میں خصوصی پوجا کی گئی۔ اس موقع پر کشمیری پنڈت برادری کی ایک بڑی تعداد نے بدھرکلی مندر میں پوجا کی اور امن کے لیے دعا کی۔ Special worship at Bhadrakali temple in North Kashmir

رام نومی کے موقع پر بدھرکلی ماتا مندر ہندواڑہ میں ایک تقریب منعقد کی گئی جس میں وادی کے مختلف اضلاع سے سینکڑوں کشمیری پنڈتوں نے شرکت کی اور پوجاپاٹ و ہون کیا۔ انہوں نے بدھرکلی ماتا کے درشن بھی کیے۔ اس موقع پر کشمیری پنڈتوں نے عوام کو مبارکباد پیش کی۔ انہوں نے کہا کہ شری رام کی زندگی سچائی کے راستے پر چلنے کا درس دیتی ہے۔ انہوں تمام ہم وطنوں کو رام نومی کی مبارکباد دی۔ Ram Navami Celebrated In Kashmir

اس دوران پنڈت برادری نے پوجا کرتے ہوئے وادی میں امن کے لیے دعا کی۔ انہوں نے پنڈت برادری اور مسلم برادری کے درمیان بھائی چارہ کو قائم رکھنے کی بھی دعا کی۔ اس موقع پر مسلم برادری کے افراد کو بھی کشمیری پنڈتوں کے ساتھ دیکھا گیا۔ پنڈت برادری نے ضلع انتظامیہ کا شکریہ ادا کیا۔ اس موقع پر پانی، بجلی اور دیگر طرح کی سہولیات بہم پہنچائی گئی تھی۔