ہندواڑہ کے ضلع اسپتال میں آکسیجن پلانٹ کا آغاز کیا گیا: جاوید قریشی

بھارتیہ جنتا پارٹی کے سینئر لیڈر جاوید قریشی نے ہندواڑہ میں اپنی رہائشی گاہ پر ایک پریس کانفرنس منعقد کی۔ اس دوران انہوں نے مرکزی حکومت کی جانب سے کیے گیے کاموں کا ذکر کیا۔

جاوید قریشی نے بتایا کہ حال میں ضلع کپواڑہ کے سب ضلع اسپتال میں ایک آکسیجن پلانٹ کا آغاز کیا گیا، جو کپواڑہ کے لوگوں کی ایک بڑی مانگ تھی۔

انہوں نے کہا کہ اس آکسیجن پلانٹ سے اب اسپتال میں زیر علاج مریضوں کو سیلنڈر کے بجائے پائپوں کے ذریعہ آکسیجن فراہم کیا جائے گا کیونکہ ابھی تک مریضوں کو درکار آکسیجن کے لیے سیلنڈروں کی ضرورت پڑتی تھی اور انہیں سرینگر سے کپواڑہ پہچانا پڑتا تھا لیکن اب مرکزی حکومت نے یہ سہولیات کپواڑہ اسپتال میں دستیاب کرائی ہے۔ اس پر کپواڑہ کے عوام نے مرکزی حکومت کی ستائش کی۔

قریشی نے کہا اس آکسیجن پلانٹ کے لیے میری ایک بڑی پہل تھی جو پوری ہوئی ہے۔ انہوں نے کہا کہ کپواڑہ سے کئی عوامی وفود نے اس آکسیجن پلانٹ کی تعمیر کے لیے مانگ کی تھی۔