کشمیر شاہراہ پر مشکوک چیز بر آمد، نقل و حمل متاثر

جموں و کشمیر شاہراہ پر منگل کی صبح اس وقت ٹریفک کی نقل وحمل متاثر رہی جب سکیورٹی فورسز نے اس پر کوئی مشکوک چیز بر آمد کی۔

ذرائع کے مطابق جنوبی کشمیر کے ضلع کولگام کے ملہ پورہ علاقے میں شاہراہ پر منگل کی صبح سکیورٹی فورسز نے کوئی مشکوک چیز بر آمد کی جس کے نتیجے میں شاہراہ پر ٹریفک کی نقل و حمل کچھ دیر کے لئے روک دی گئی- وہیں پولیس اہکار، آرمی اور سی آر پی ایف کے ماہرین کو اچھی طرح سے چیکنگ کے لیے بھیج دیا گیا۔

دوسری طرف ضلع پولیس کولگام کے ایس ایس پی گورندر پال سنگھ نے نمائندے کو فون پر بتایا کہ ایسا کچھ بھی نہی ہے لیکن شک شبہ ہونے کی وجہ سے ہمیں قومی شاہراہ کسی حد تک بند کرنا پڑا۔ انہوں نے کہا کہ کولگام پولیس شہریوں کی حفاظت اور سلامتی کی طرف وقف ہے اور ہر ایک کی حفاظت کے لیے ٹریفک کو روکنا پڑتا ہیں۔