فارسٹ افسر پر حملہ

ریاست جموں و کشمیر کے ضلع شوپیاں میں جنگل چوروں نے محکمہ جنگلات کے بلاک فارسٹ افسر پر حملہ کیا۔

تفصیلات کے مطابق جنگل چوروں نے بدھ کی شب قریب ساڑھے گیارہ بجے بلاک فارسٹ افسر محمد عبداللہ پر اس وقت حملہ کیا جب وہ تھیارنہ کیلر میں دوران شب اپنی ڈیوٹی پر مامور تھے۔

جنگل چوروں نے تیز دھار والے ہتھیاروں سے اس پر حملہ کیا جس کے نتیجے میں بلاک فارسٹ افسر محمد عبداللہ زخمی ہوئے جنہیں علاج ومعالجہ کی خاطر اسپتال منتقل کرناپڑا۔

پولیس نے اس سلسلے میں مقدمہ درج کرکے تحقیقات شروع کی ہے۔