کولگام کے کھڈونی علاقے میں ہڑتال

سرینگر میں حال میں ہلاک کیے گئے عسکریت پسندوں میں سے ایک کا تعلق کولگام کے کھڈونی سے تھا۔ اس کی ہلاکت کے بعد یہاں دوسرے روز بھی ہڑتال رہی۔

جموں و کشمیر کے دارالحکومت سرینگر میں گزشتہ روز پیش آئی جھڑپ کے بعد پولیس نے دعویٰ کیا ہے کہ انہوں نے دو عسکریت پسندوں کو ہلاک کیا ہے۔ ہلاک ہوئے عسکریت پسندوں کا تعلق کشمیر سے ہی تھا۔ جب کہ ہلاک ہوئے ایک عسکریت پسند عباس شیخ کا تعلق کھڈونی رام پورہ کولگام سے تھا۔

عباس کی ہلاکت کے پیش نظر آج دوسرے روز کولگام کے کھڈونی علاقے میں ہڑتال رہی اور کاروباری ادارے مکمل بند رہے۔

پولیس کے سربراہ نے کل ایک پریس کانفرنس میں اس بات کا خلاصہ کیا تھا کہ عباس شیخ ٹی آر ایف میں کئی برسوں سے سرگرم تھا اور نئے لڑکوں کو عسکری تنظیم میں شمولیت اختیار کراتا تھا۔

خیال رہے کہ سرینگر کے آلوچی باغ میں سکیورٹی فورسز اور عسکریت پسندوں کے درمیان تصادم میں دو عسکریت پسند ہلاک ہوئے۔ انکاؤنٹر میں دو عسکریت پسند ہلاک ہوگئے ہیں۔ کشمیر پولیس زون نے بھی ٹویٹ کرکے انکاؤنٹر کی تصدیق کی تھی۔

پولیس کے مطابق ممنوعہ تنظیم لشکر طیبہ اور ٹی آر ایف کے ٹاپ کمانڈر عباس شیخ اور ان کا ساتھی ثاقب منظور انکاؤنٹر میں ہلاک ہوئے ہیں، جو پولیس کے لیے ایک بڑی کامیابی ہے۔