ریچھ کو مارنے کے الزام میں کیس درج

جنوبی کشمیر کے ضلع کولگام میں ایک ریچھ کے بچے کو مار مارکر مردہ کردینے کے ویڈیو وائرل ہونے کے بعد محکمہ جنگلات حرکت میں ہے۔

ان دنوں جنگلی جانور میدانی علاقوں کا رخ کرتے ہیں، ایسے میں ایک ہفتے سے چلنے والے سماجی رابطے کی سائٹ فیس بک پر کئی ویڈیو وائرل ہوئے ہیں،جن میں جنگلی جانوروں کو لوگ مارتے ہوئے دکھائی دے رہے ہیں۔

کولگام ضلع کے گاؤں میں مقامی لوگوں نے ایک ریچھ کو پیٹ پیٹ کر مارڈالا ہے۔

اس سلسلے میں محکمہ جنگلات کے واڈن نے ای ٹی وی بھارت کو فون پر بتایا کہ ریچھ کے مارنے کے الزام میں انہوں نے فی الحال مدثر احمد ساکن کیلم نامی ایک نوجوان کے خلاف ایک کیس درج کیاہے اور ریچھ کے مردہ بچے کو اپنی تحویل میں لے کر تفتیش شروع کردی ہے۔