کولگام: آزاد اُمیدوار کی انتخابی مہم

جموں وکشمیر کے ضلع کولگام کے کیموہ بلاک کی آزاد امیدوار رفیقہ بلال نے آج مختلف علاقوں میں جا کر لوگوں سے ملاقات کی۔

رفیقہ بلال نے بھان، اشموجی، متلہامہ اعر و دیگر علاقوں میں کئی وفود سے ملاقات کی۔ جبکہ انہوں نے ووٹرز کو اپنے منشور سے آگاہ کیا اور انہیں ووٹ ڈالنے کی اپیل کی ۔

انہوں نے بنیادی مسائل پر انتظامیہ کی توجہ طلب کی۔واضح رہے کہ کیموہ علاقہ کولگام کے حساس علاقے کے طور پر مانا جاتا ہے۔

اس علاقے میں کئی عرصے دراز سے کوئی بھی سیاسی روڈ شو یا مٹینگ نہیں ہوتی ہے۔ ایسے میں سیاست داں ان دنوں چوری چھپے میٹنگ ودیگر سیاسی سرگرمیوں کو انجام دیتے ہیں۔

وہیں کیموہ علاقے میں 19 دسمبر کو آخری مرحلے میں ووٹ ڈالیں جائیں گے۔ انتخابات کو لیکر ضلع میں انٹرنیٹ سروس پہلے سے ہی معطل کردی گئی ہے۔