راجستھان کے کوٹہ میں لوک سبھا اسپیکر اوم برلا کے والد کرشنا برلا کی آج صبح آخری رسومات ادا کی گئی۔
کرشنا برلا کا آخری سفر دادا باڑی سے شروع ہوا اور کشور پورہ مکتی دھام میں جہاں ان کی آخری رسومات ادا کر دی گئیں۔ انہیں ان کے بیٹے راجیش برلا اور اوم برلا نے اگنی دی۔ ان کی آخری رسومات میں بھارتیہ جنتا پارٹی (بی جے پی) کے بہت سے رہنماؤں اور دیگر لوگوں نے شرکت کی۔
ان کے انتقال پر گورنر کلراج مشرا اور وزیر اعلی اشوک گہلوت نے افسوس ظاہر کیا۔ مشرا نے ایشور سےمرحوم کی روح کو ابدی سکون اور سوگوار کنبے کو قوت برادشت عطا کرنے کی دعا کی۔ اشوک گہلوت نے کرشنا برلا کے انتقال پر افسوس کا اظہار کرتے ہوئے ایشور سے مرحوم کی روح کے ابدی سکون اور سوگوار کبنے کو قوت برداشت عطا کرنے کی دعا کی۔
اسمبلی کے اسپیکر ڈاکٹر سی پی جوشی نے بھی اوم برلا کے والد کے انتقال پر رنج و غم کا اظہار کیا ہے۔ بی جے پی کے ریاستی صدر ستیش پونیا نے بھی افسوس کا اظہار کرتے ہوئے کہا کہ شری کرشنا برلا کے انتقال کی خبر سن کر بہت دکھ ہوا۔ وہ ایک وقف سماجی کارکن تھے۔