پانچ کورونا متاثرہ خواتین کے نوزائیدہ بچوں کی رپورٹ منفی

کوٹہ کے جے کے لون اسپتال میں پانچ کورونا متاثرہ حاملہ خواتین کی زچگی کے بعد انکے نوزائیدہ بچے کی کورونا رپورٹ منفی آئی ہے۔ ان بچوں کو خاندان کی خواتین کے ساتھ دوسرے اسپتال میں رکھا گیا ہے۔

ریاست راجستھان کے ضلع کوٹہ کے جے کے لون اسپتال میں پانچ حاملہ خواتین میں کورونا کی تصدیق ہونے پر انہیں میڈیکل کالج کے کووڈ-19 اسپتال میں داخل کرایا گیا تھا جہاں زچگی کے بعد ان کے نوزائیدہ بچوں کی کورونا رپورٹ منفی آنے کے بعد انہیں علیحدہ روم میں منتقل کردیا گیا ہے۔

میڈیکل کالج اسپتال کے سپریٹنڈنٹ ڈاکٹر سی ایس سشیل نے بتایا کہ بچوں کے ماہر ڈاکٹر بچوں کی باقاعدگی سے دیکھ رہے ہیں اور بچے صحت مند ہیں، اب اگلے 24 سے 48 گھنٹوں میں ان کا دوبارہ نمونہ لیا جائے گا اگر دوسری رپورٹ بھی منفی آئی اور ان کے اہل خانہ کی خواتین نے بچوں کی دیکھ بھال میں کامیاب ہوئیں تو بچوں کو ڈسچارج کیا جاسکتا ہے۔

تمام بچوں کا ڈاکٹر اور عملہ خاص خیال رکھ رہے ہیں، اب تک ایسے تمام بچے جو یہاں پیدا ہوئے ہیں ان کی رپورٹ منفی پائی گئی ہے۔

قابل ذکر ہے کہ اتوار کے روز جے کے لون اسپتال میں داخل حاملہ خواتین کی رپورٹ مثبت آئی تھی جس کے بعد پورے محکمہ میڈیکل میں افراتفری کا ماحول پیدا ہوگیا تھا۔

ان کے ساتھ رابطے میں آنے والی ایک نرس بھی مثبت آئی ہے ، اس رپورٹ کے مثبت آتے ہی ان خواتین کو نئے اسپتال کے کورونا وارڈ میں منتقل کردیا گیا۔