ریاست مغربی بنگال کے گورنر جگدیپ دھنکر نے ٹویٹ کے ذریعے مالدہ کے شجاع پور کے پلاسٹک کارخانے میں ہوئے دھماکے میں ہلاک ہونے والے مزدوروں کے اہل خانہ سے ہمدردی کا اظہار کیا۔
شجاع پورمعاملے پر گورنر نے ممتا حکومت کو ہدف تنقید بنایا شجاع پورمعاملے پر گورنر نے ممتا حکومت کو ہدف تنقید بنایا انہوں نے کہا کہ' پلاسٹک کارخانے میں کام کے دوران دھماکے کی تفتیش ضروری ہے، تاکہ پتہ چلے کہ آخر یہ واقعہ کیسے ہوا۔ گورنر نے کہا کہ یہ ایک ایک افسوسناک واقعہ ہے۔ اس کی جتنی بھی مذمت کی جائے وہ کم ہے۔
شجاع پورمعاملے پر گورنر نے ممتا حکومت کو ہدف تنقید بنایا مغربی بنگال کے گورنر نے کہا کہ مغربی بنگال کی حکومت ہر محاذ میں ناکام ثابت ہو رہی ہے اس لئے اس واقعے کی اعلی سطح پر تفتیش ہونی چاہئے۔
انہوں نے کہا کہ مغربی بنگال کے بیشتر اضلاع میں بم بنانے کے کارخانے ہیں۔ یہ اس وقت تک پتہ نہیں چلتا جب تک کوئی خوفناک واقعہ پیش نہ آ جائے۔
انہوں نے کہا کہ وزیراعلی ممتابنرجی اس طرح کے واقعے کو روکنے کے لئے ابھی تک کوئی ٹھوس قدم نہیں اٹھایا ہے، گورنر کے مطابق حکومت کی عدم توجہی کے سبب اس طرح کے واقعے پیش آ رہے ہیں۔
مزید پڑھیں:
واضح رہے کہ مغربی بنگال کے مالدہ کے شجاع پور میں واقع پلاسٹک کارخانے میں دھماکے میں پانچ افراد کی موت ہو گئی جبکہ 10 سے 12 افراد شدید طور پر زخمی ہوئے ہیں۔ ریاستی حکومت کی جانب سے حادثے میں ہلاک ہونے والے مزدوروں کے اہل خانہ کو دو دو لاکھ روپے بطور معاوضہ دینے کا اعلان کیا گیا ہے۔
