بی جے پی رکن پارلیمان کا بھتیجا بینک فراڈ معاملے میں گرفتار

شمالی 24پرگنہ میں واقع بھاٹ پار نئی ہٹی کوآپریٹیو بینک گھوٹالے میں کئی گھنٹے تک پوچھ تاچھ کرنے کے بعد مغربی بنگال پولیس نے سنجیت سنگھ عرف پپو کو گرفتار کیا ہے۔

بارک پور لوک سبھا حلقے سے بی جے پی کے رکن پارلیمان ارجن سنگھ کے بھتیجے کو کوآپریٹیو بینک میں گھوٹالے کے الزام میں گرفتار کیا گیا ہے۔

شمالی 24پرگنہ میں واقع بھاٹ پار نئی ہٹی کوآپریٹیو بینک گھوٹالے میں کئی گھنٹے تک پوچھ تاچھ کرنے کے بعد مغربی بنگال پولیس نے سنجیت سنگھ عرف پپو کو گرفتار کیا ہے۔ 12کروڑ روپے گھوٹالے میں پوچھ تاچھ میں ان کے جواب سے مطمئن نہ ہونے پر پولیس نے انہیں گرفتار کر لیا۔

سنجیت سنگھ کو بارکپور کمشنریٹ میں ڈی ڈی آفس میں پوچھ تاچھ کیلئے بلایا گیا تھا۔ گرفتاری سے قبل ان سے کئی مرتبہ پوچھ تاچھ ہوچکی ہے۔

جمعہ کو ارجن سنگھ کے بیٹے پون سنگھ اور ان کے ایک رشتہ دار سورو سے بھی پولیس نے کئی گھنٹے تک مختلف کیسوں سے متعلق پوچھ تاچھ کی۔