مرکزی وزیر سڑک حادثے میں بال بال بچے

مرکزی وزیر بابل سپریو کے قافلے میں اچانک ایک ٹرک داخل ہوگئی جس سے ان کی گاڑی حادثے کا شکار ہوگئی۔

ریاست مغربی بنگال کے ضلع بردوان کے جموڑیہ تھانہ علاقے میں مرکزی وزیر بابل سپریو سیاسی جلسے میں شرکت کرنے کے لیے جارہے تھے، اسی دوران ان کی گاڑی حادثے کا شکار ہوگئی جس میں وہ بال بال بچ گئے۔

واضح رہے کہ یہ حادثہ اس وقت پیش آیا جب مرکزی وزیر بابل سپریو کے قافلے میں مخالف سمت سے آنے والا ٹرک اس قافلے میں داخل ہوگیا اور مرکزی وزیر بابل سپریو کی گاڑی کو ٹکر مار دیا، جس میں مرکزی وزیر بال بال بچ گئے۔

مرکزی وزیر سڑک حادثے میں بال بال بچے

حادثے کے بعد مرکزی وزیر بابل سپریو نے کہا کہ قسمت اچھی تھی کہ وہ اس حادثے مں بال بال بچ گئے۔ تاہم ڈرائیور کی مستعدی کے سبب ہی اس حادثے کو ٹالا جا سکا ہے۔

پولیس نے کہا کہ پورے معاملے کی تفتیش جاری ہے اور ٹرک ڈرائیور سمیت خلاصی سے پوچھ گچھ بھی کی جارہی ہے۔