سیاسی رہنما کے مکان پر بموں سے حملہ

شمالی دیناج پور ضلع کے رائے گنج میں پنچایت ترنمول پردھان کے مکان پر نامعلوم افراد کے ذریعے بم پھینکنے سے علاقے میں ڈر اور خوف کا ماحول ہے۔

مغربی بنگال کے دیناج پور ضلع کے رائے گنج میں واقع پنچایت ترنمول کانگریس پردھان کے مکان پر بموں سے حملہ کیا گیا جس کے بعد علاقے میں سراسیمگی پھیل گئی.

رائے گنج میں یہ واقعہ آج دن میں گیارہ سے ساڑھے گیارہ بجے کے درمیان پیش آیا ۔

تین موٹر سائیکل پر نصف درجن لوگ مکان پر بموں سے حملہ کرتے ہوئے فرار ہو گئے.

اس وقت گھر میں خاتون پنچایت ترنمول سیمی منڈل موجود تھیں لیکن وہ اس حملے میں بال بال بچ گئیں.

بتایا جا رہا ہے کہ پنچایت ترنمول پردھان اور رائے گنج ترنمول کانگریس صدر مانس گھوش کے حامیوں کے درمیان کافی عرصے سے تنازعہ چل رہا ہے.

پنچایت پردھان کے مکان پر حملے کی وجہ ترنمول کانگریس کے دو گروہوں کے درمیان تنازع قرار دیا جا رہا ہے.

پولیس نے جائے وقوع پر پہنچ کر تفتیش شروع کردی لیکن اس معاملے میں اب تک کسی کی گرفتاری عمل میں نہیں آئی ہے ۔

پولیس کا کہنا ہے کہ بم اندازی کرنے والوں کی تلاش جا رہی ہے. علاقے میں چھاپہ ماری کی جا رہی ہے.

پنچایت ترنمول کانگریس پردھان سیمی منڈل کے شوہر رشید منڈل نے کہا کہ اس حملے کے پیچھے کون ہے سب کو پتہ ہے.

پارٹی میں اختلاف کی بات سے انکار کرتے ہوئے کہا کہ میرا کسی کے ساتھ کوئی خراب رشتہ نہیں ہے.

مانس گھوش کا کہنا ہے کہ پنچایت پردھان کے مکان پر حملے کی اطلاع ملی ہے. اس پر افسوس ہے.