ترنمول کانگریس کے سینیئر رہنما اروپ رائے نے پرچہ نامزدگی داخل کیا

ترنمول کانگریس کے سینیئر رہنما و وزیر اروپ رائے نے اسمبلی انتخابات 2021 کے لیے آج پرچہ داخل کیا۔ اس موقع پر ہزاروں کی تعداد میں ان کے حامی موجود تھے۔

مغربی بنگال اسمبلی انتخابات 2021 کی تاریخوں کا اعلان ہوتے ہی ریاست میں سیاسی جماعتوں کی سرگرمیوں عروج پر پہنچ چکی ہے۔ جہاں سیاسی پارٹیاں ووٹرز کو روغب کرنے کے لیے ہر ہتھکنڈے اپنارہی ہیں۔

ٹکٹ تقسیم اور گٹھ جور کے بعد اب امیدواروں کے پرچہ نامزدگی داخل کرنے کا سلسلہ جاری ہے۔ جہاں امیدوار پرچہ نامزدگی داخل کررہےہیں۔ہوڑہ سے ترنمول کانگریس کے امیدوار اروپ رائے پرچہ نامزدگی داخل کے لیے اپنے ہزاروں حامیوں کے ساتھ ہوڑہ میونسپل کارپوریشن کے دفتر پہنچے اور پرچہ نامزدگی داخل کی۔پرچہ نامزدگی داخل کرنے بعد اروپ رائے نے نامہ نگاروں سے کہا کہ اس مرتبہ ممتا بنرجی کی قیادت والی جماعت ترنمول کانگریس غیر معمولی اکثریت کے ساتھ اقتدار میں پھر سے واپس آئے گی۔ ممتا بنرجی کا کسی سے کوئی مقابلہ نہیں ہے'۔

اروپ رائے پرچہ نامزدگی داخل کے لیے ہزاروں حامیوں کے ساتھ ہوڑہ میونسپل کارپوریشن کے دفتر پہنچے

انہوں نے کہا کہ' بی جے پی کبھی بھی بنگال میں اپوزیشن پارٹی کا کردار ادا نہیں کیا ہے۔ بی جے پی مقابلے میں تھی ہی نہیں۔'ریاستی وزیر نے کہا کہ اسمبلی انتخابات سے پہلے جس کو جو کہنا ہے کہہ سکتا ہے دو مئی کو صرف اور صرف ممتا بنرجی ہی بولیں گی۔'واضح رہے کہ مغربی بنگال میں منعقد ہونے والے اسمبلی انتخابات 2021 اس مرتبہ آٹھ مراحل میں ہوں گے اور 27 مارچ کو پہلے مرحلے کے لیے ووٹنگ ہوگئی جبکہ نتائج کا اعلان 2 مئی کو کیا جائے گا۔