مغربی بنگال کے دارالحکومت کولکاتا سمیت تمام اضلاع میں بائیں محاذ کی تنظیم ڈی وائی ایف آئی اور ایس ایف آئی نے اپنے کارکن کی موت کے خلاف تھانے کا گھیراؤ کیا۔ اس موقع پر بائیں محاذ کے حامی تھانے کے سامنے احتجاج کرتے ہوئے گھنٹوں تک دھرنے پر بیٹھے رہے۔
ڈی وائی ایف آئی کارکن کی موت کے خلاف تھانہ گھیراؤ مہم
شمالی 24 پرگنہ کے مختلف سب ڈویژن میں بائیں محاذ کے حامیوں نے ڈی وائی ایف آئی کے کارکن معیدالاسلام کی مبینہ طور پر پولیس کے ذریعہ کی گئی لاٹھی چارج کے دوران ہوئی موت کے خلاف تھانوں کا گھیراؤ کیا۔
ڈی وائی ایف آئی کارکن کی موت کے خلاف تھانہ گھیراؤ مہم
مزید پڑھیں:مودی حکومت مغربی بنگال کی شیرنی سے خوفزدہ ہے : شیوسینا
واضح رہے کہ گزشتہ 11 فروری کو سکریٹریٹ بلڈنگ نبنو گھیراؤ کے دوران بائیں محاذ کی تنظیم ڈی وائی ایف آئی اور ایس ایف آئی کے حامیوں اور پولیس اہلکاروں کے درمیان جھڑپوں میں سینکڑوں افراد زخمی ہوئے تھے۔پولیس نے حالات پر قابو پانے کے لئے لاٹھی چارج کیا جس کے نتیجے میں معیدالاسلام ڈی وائی ایف آئی کارکن شدید طور پر زخمی ہو گئے تھے۔ جس کے چار دنوں کے بعد ڈی وائی ایف آئی کے کارکن معیدالاسلام کی موت ہو گئی۔