وزیر اعلیٰ ممتا بنرجی نے سوشل میڈیا پر اپنے پیغام میں کہا کہ ہمارے سائنسدانوں نے اپنی صلاحیت کا بھر پور مظاہرہ کیا ہے، اور یہ اپنے آپ میں بڑی کامیابی ہے۔
اس کیلئے ہم اسرو کے سائنس دانوں کو مبارک باد پیش کرتے ہیں۔ ہم سب آپ کے ساتھ ہیں اور مجھے امید ہے کہ اسی طرح مستقبل میں قابل فخر کارنامے انجام دیے جاتے رہیں گے۔
خیال رہے کہ ایک دن قبل ہی وزیرا علیٰ ممتا بنرجی نے چندریان مشن کا سہرا مودی حکومت کے ذریعہ لیے جانے پر سخت تنقید کرتے ہوئے کہا تھا کہ مودی حکومت خلائی مشن پر سیاست کررہی ہے اور اس کو اس طریقے سے پیش کررہی ہے جیسے یہ ان کا پنا کارنامہ ہے جب کہ ملک میں اس سے قبل بھی چاند پر مشن بھیجا گیا ہے، مگرکبھی بھی حکومت نے اس پرسیاست نہیں کی جب کہ مودی اس پرسیاست کررہے ہیں۔
وزیرا علیٰ نے کہا کہ چندریان مشن صرف اور صرف سائنسدانوں کی محنت اور لگن کا نتیجہ ہے۔