لاک ڈاؤن کی وجہ سے بنگال میں معمولات زندگی ٹھپ

ریاست مغربی بنگال میں 23جولائی سے ہی ہفتے میں دو دن لاک ڈائون کا نفاذ عمل میں لایا جا رہا ہے۔

عالمی وبا کورونا وائرس کے تسلسل کو توڑنے کے مقصد سے نافذ لاک ڈاؤن کی وجہ سے سنیچر کو مغربی بنگال میں زندگی کے معمولات مکمل طور پر ٹھپ ہوکر رہ گئے ہیں۔

یومیہ ضرورت کی اشیا کی دوکانوں کے علاوہ تمام تجارتی اور آمدو رفت کے تمام ذرائع بند ہیں۔ 23جولائی سے ہی ریاست میں ہفتے میں دو دن لاک ڈاؤن نافذ کیا جا رہا ہے۔

ہوائی سروس بھی آج بند ہے اور لمبی دوری کی ٹرینوں کو بھی ری شیڈول کیا گیا ہے۔ ضروری اشیاء میں میڈیکل اسٹور اور طبی مراکز کھلے ہوئے ہیں۔ اس کے علاوہ پٹرول پمپ کو کھلے رکھنے کی اجازت دی گئی ہے۔

اسکول، کالج اور دیگر تعلیمی ادارے مارچ سے ہی بند ہیں۔

لاک ڈاؤن کو سختی سے نافذ کیا جا رہا ہے۔ اس کیلئے بڑے پیمانے پر سیکورٹی انتظامات کئے گئے ہیں، بڑے پیمانے پر پولس گشت کر رہی ہے۔

اس سے قبل 23جولائی، 25جولائی، 29جولائی اور5 اگست کو لاک ڈاؤن نافذ کیا گیا تھا۔