سابق عاشق نے لڑکی کو گولی مارکر قتل کیا

مغربی بنگال کے جنوبی کولکاتا میں سابق عاشق نے 20 سالہ لڑکی کی سنیچر کے روز گولی مارکر قتل کردیا۔

پولیس ذرائع کے مطابق ملزم جینت ہلدھر شادی شدہ تھا اور اس کا بی اے کی تیسرے سال کی طالبہ سے معاشقہ تھا۔ مبینہ طور پر رجمنٹ پارک میں واقع اپنے گھر میں متاثرہ جب اپنی چاچی کے ساتھ سو رہی تھی، ملزم نے تقریباً 8 بجے گھر میں گھس کر اسے گولی ماردی۔
انہوں نے کہا کہ ملزم واقعہ کے بعد سے فرار ہے۔ جس کی تلاش کی جارہی ہے۔ لڑکی ملزم کی بیوی کے حاملہ ہونے کی خبر ملنے کے بعد اس سے اپنا رشتہ ختم کرنا چاہتی تھی لیکن لڑکا رشتہ جاری رکھنے پر زور دے رہا تھا۔ پولیس معاملے کی تحقیقات کررہی ہے۔