'ممتا بنرجی اور ارکان اسمبلی کے درمیان اعتماد کی کمی'

مغربی بنگال سی پی آئی ایم کے سرکردہ رہنما سوجن چکرورتی نے ترنمول کانگریس کی سربراہ ممتا بنرجی پر تنقید کرتے ہوئے کہا کہ ممتا بنرجی اور ارکان اسمبلی کے درمیان اعتماد کی کمی صاف طور سے ظاہر ہونے لگی ہے۔

مغربی بنگال سی پی آئی ایم کے رہنما سوجن چکرورتی نے ترنمول کانگریس کی سربراہ اور وزیراعلیٰ ممتا بنرجی پر تنقید کرتے ہوئے کہا کہ پارٹی بدلنے کے کھیل میں حکمراں جماعت ترنمول کانگریس کو اب تک جو نقصانات ہوئے ہیں اس کی کوئی اہمیت نہیں ہے۔

پارٹی تبدیل کرنے کے کھیل میں دونوں جانب کی ٹیمیں ایک ہی ہیں، صرف جرسی کے رنگ مختلف ہے، آنے والے دنوں میں بہت سی باتیں واضح ہو جائیں گی، سی پی آئی ایم کے رہنما کا کہنا ہے کہ حکمراں جماعت ترنمول کانگریس کے بیشتر ارکان اسمبلی پارٹی سے خود کو علیحدہ کر چکے ہیں، ترنمول کانگریس کی سربراہ ممتا بنرجی پر سے بھروسہ ختم ہونے کی وجہ زیادہ تر ارکان اسمبلی سیاست سے دور بھی ہو چکے ہیں۔

انہوں نے کہا کہ ممتا بنرجی کو اپنے ارکان اسمبلی کے بھروسے کا امتحان لینا چاہیے، ورنہ مستقبل میں اور نقصان کا سامنا کرنا پڑ سکتا ہے، سوجن چکرورتی کے مطابق مغربی بنگال کی عوام بھی ترنمول کانگریس حکومت سے اوب چکے ہیں، لوگوں کو ترنمول کانگریس کی سربراہ اور وزیراعلی ممتا بنرجی سے مثبت پیغام کی توقع ہے۔