بی جے پی کارکنان اور پولیس کے درمیان تصادم

بی جے پی کی اترکونا گھیراؤ مہم کے دوران بی جے پی پی حامیوں کے پرتشدد مظاہرے پر قابو پانے کے لئے پولیس کو آنسو گیس کا استعمال کرنا پڑا۔

مغربی بنگال میں منعقد ہونے والے اسمبلی انتخابات کے مدنظر سیاسی جماعتوں کے درمیان پرتشدد جھڑپوں کا سلسلہ جاری ہے۔

بی جے پی نے سلی گوڑی کے پھول باڑی میں واقع اترکونا گھیراؤ مہم کا اعلان کیا۔ پولیس کی جانب سخت سکیورٹی انتظامات کئے گئے تھے۔ اس درمیان ریاست کے تمام اضلاع سے بی جے پی کے حامیوں اور پولیس کے درمیان جھڑپوں کی اطلاع موصول ہونے لگی ہے۔

کوچ بہار ضلع کے پھول باڑی میں واقع اترکونا (ایڈمنسٹریٹو بلڈنگ) گھیراؤ مہم کے دوران بی جے پی کے حامیوں اور پولیس کے درمیان جھڑپ ہوئی۔

بی جے پی کے حامیوں نے اترکونا گھیراؤ مہم کے دوران پولیس بریکیڈ توڑ کر آگے بڑھنے کی کوشش کی۔

پولیس نے جب انہیں روکنے کی کوشش کی تو بی جے پی کے حامیوں نے احتجاج کرتے ہوئے ٹائر جلا کر سڑکوں پر پھینکا جس سے حالات بے قابو ہو گئے۔

علاقے میں کشیدگی پھیل گئی۔ افراتفری کا ماحول پیدا ہو گیا۔ عام لوگوں کو پریشانیوں کا سامنا کرنا پڑا۔

پولیس کو حالات کو قابو میں کرنے کے لئے آنسو گیس کے گولے داغنے پڑے۔ واٹر کنن کی مدد سے مظاہرین کو روکنے کی کوشش کی گئی۔ اس کے علاوہ ربر بلیٹ کا بھی استعمال کیا گیا۔

پولیس کی ربر بلیٹ فائرنگ متعدد لوگوں کے زخمی ہونے کی اطلاع ہے۔ زخمیوں کو ضلع صدر ہسپتال میں داخل کرایا گیا ہے۔

پولیس کا کہنا ہے کہ بی جے کے حامیوں نے پولیس بریکیڈ توڑ کر آگے بڑھنے کی کوشش کی، جب انہیں روکنے کی کوشش کی گئی تو انہوں نے ہنگامہ شروع کر دیا۔

پولیس کا کہنا ہے کہ ربر بلیٹ فائرنگ میں کسی کے زخمی ہونے کی اطلاع موصول نہیں ہوئی ہے۔ افراتفری کے دوران چند افراد گر کر زخمی ہو گئے تھے۔

بی جے پی کے رہنما کا کہنا ہے کہ پولیس نے ہمارے پرامن جلوس کو روکنے کے لئے طاقت کا استعمال کیا۔

بی جے پی کے حامیوں نے پولیس کے خلاف نعرہ بازی کرتے ہوئے ٹائر جلا کر سڑکوں پر پھینکا اور ناکہ بندی کی۔