بی جے پی کی رکن پارلیمان کورونا وائرس سے متاثر

ہگلی سے بی جے پی کی رکن پارلیمنٹ و سابق اداکارہ لاکٹ چٹرجی کورونا وائرس سے متاثر ہوگئی ہیں۔

مغربی بنگال بی جے پی کی جنرل سیکریٹری لاکٹ چٹرجی نے خود ہی ٹویٹ کرتے ہوئے اطلاع دی ہے کہ میں بخار میں مبتلا تھیں، آج صبح ہی رپورٹ آئی ہے کہ کورونا وائرس مثبت ہے، میں گزشتہ ایک ہفتے سے آئسولیشن میں تھی، اس وقت میں بہتر ہوں اور گھر میں ہی قرنطینہ میں ہوں۔

لاکٹ چٹرجی نے اداکا ری چھوڑ کر سیاست میں شامل ہوگئی تھیں اور اب ہگلی سے بی جے پی کے ٹکٹ پر رکن پارلیمنٹ ہیں۔

واضح رہے کہ بھارت میں گذشتہ 24 گھنٹوں کے دوران کورونا انفیکشن کے 20 ہزار 903 نئے کیس سامنے آئے ہیں اور اب متاثرین کی مجموعی تعداد 6 لاکھ 25 ہزار 544 ہوگئی ہے۔ اسی عرصے کے دوران کورونا وائرس سے 379 اموات ہونے سے مرنے والوں کی تعداد بڑھ کر 18 ہزار 213 ہوگئی ہے۔ اس وقت ملک میں کورونا کے 2 لاکلھ 27 ہزار 439 فعال معاملے ہیں اور اب تک 3 لاکھ 79 ہزار 892 افراد اس وبا سے شفایاب ہوئے ہیں۔ انفیکشن کے معاملے میں ہندوستان دنیا کے سب سے زیادہ متاثرہ ممالک کی فہرست میں چوتھے نمبر پر ہے۔