کیرالہ:'گرلز اسلامک آرگنائزیشن آف انڈیا' کا تین روزہ دھرنے کا اعلان

شہریت ترمیمی قانون کے پیش نظر اب ریاست کیرالہ کی' گرلزاسلامک آرگینائزیشن آف انڈیا' کی صدر افیدا احمد نے شہریت ترمیمی قانون و این آرسی اور این پی آر کے خلاف تین روزہ مظاہرے اور دھرنے کا اعلان کیا ہے۔

شہریت ترمیمی قانون و این آرسی اور این پی آر کے خلاف پورے بھارت میں مظاہروں اور غیر متعینہ دھرنوں کا سلسلہ جاری ہے۔

اسی قانون کے پیش نظر اب ریاست کیرالہ کی ' گرلز اسلامک اور گینائزیشن' کی صدر افیدا احمد نے شہریت ترمیمی قانون و این آرسی اور این پی آر کے خلاف مظاہرے اور دھرنے کا اعلان کیا ہے۔

انہوں نے کہا کہ' شہریت ترمیمی قانون تحریک کی مخالفت سب سے پہلے دہلی میں کی گئی اور وہ بھی یونیورسٹیز کے طلبا نے کی جس کے بعد رفتہ رفتہ اس تحریک سے تمام یونیورسٹیز کے طلبا جڑنے لگے ہیں۔

انہوں نے مزید کہا کہ کیرالہ میں بھی اس تعلق سے بڑے مظاہرے ہوئے ہیں اور اب 'گرلزاسلامک آرگینائزیشن آف انڈیا' نے بھی تین روزہ دھرنے کا اعلان کیا ہے۔

واضح رہے کہ شہریت ترمیمی قانون کے ذریعے مرکزی حکومت افغانستان، بنگلہ دیش، پاکستان کے ان سبھی ہندو ،بودھ، جین ، پارسی اور سکھ برادریوں کو بھارت کی شہریت دیگی جنہیں ان تمام ملکوں میں مذہبی تعصب کے بنا پر پریشان کیا جاتا رہا ہے۔