فہرست رائے دہندگان سے متعلق ایپ متعارف

تلنگانہ کے ضلع کریم نگر کلکٹریٹ کانفرنس ہال میں ایک اہم اجلاس منعقد ہوا۔

اس موقع پر ضلع کلکٹر سرفراز احمد نے ایک ایپ متعارف کراتے ہوئے کہا کہ رائے دہندگان ووٹر ہیلپ لائن کے ذریعہ فہرست رائے دہندگان میں اپنے نام کی تصدیق کرسکتے ہیں۔
انھوں نے کہا کہ ووٹر ہیلپ لائین ایپ کے ذریعہ رائے دہندگان اور اس میں اندراجات کی جانکاری حاصل کی جاسکتی ہے۔ اور اگر اس میں کچھ خامی ہو تو اس کی تصحیح بھی کرائی جاسکتی ہے۔
انھوں نے مشورہ دیا کہ رائے دہندگان اس ایپ کا استعمال کرتے ہوئے شناختی کارڈ میں ناموں اور دیگر تفصیلات کو درست کرنے کے علاوہ اپنے ووٹ کی تصدیق کرسکتے ہیں۔
اس موقع پرانھوں نے ماتحت عہدیداروں کو اس ایپ کی جانکاری سے واقف کرایا، اس ایپ سے کوئی بھی فرد نہ صرف اپنا بلکہ تمام افراد خاندان کے ناموں کی تصدیق کرسکتا ہے۔
اس ایپ کی مدد سے مراکز رائے دہی اور اس میں موجود سہولتوں سے متعلق جانکاری اور دیگر امور کے سلسلہ میں تجاویز روانہ کی جاسکتی ہیں۔