قرض سے پریشان کسان کی خودکشی

تلنگانہ کے راجنا سری سلہ ضلع کے گمبھی راؤ پیٹ میں ایک کسان نے خودکشی کرلی۔

بنٹو دیوا راجو نامی38 برس کا کسان قرض کی وجہ ذہنی کشیدگی میں مبتلا تھا اور کافی پریشان تھا۔

اہل خانہ کے مطابق مہلوک کسان کے پاس ایک ایکڑ زمین تھی جس میں وہ کاشت کاری کرتا تھا، گزشتہ برس اس نے ایک لاکھ روپئےکی لاگت سے اس میں بورویل لگایا تھا مگر اس میں پانی نہیں آنے کی وجہ سے وہ کاشت کاری نہیں کرپایا۔

former-suicide

زمین میں فصل اور کاشت کاری نہیں ہونے کی وجہ سے اس کا قرض ادا نہیں ہو پایا،جس کے بعد اس نے انتہائی اقدام کرتے ہوئے کھیت میں جاکر درخت سے لٹک کر پھانسی لگالی۔

اس ضمن میں پولیس نے ایک کیس درج کرتے ہوئے تحقیقات شروع کردی ہے۔