بارہ بنکی کے ضلع کانگریس دفتر میں نو منتخب ضلع صدر محمد محسن کے اعزاز میں ایک استقبالیہ تقریب کا انعقاد کیا گیا.
تقریب میں کثیر تعداد میں موجود کانگریس کارکنان نے اپنے نئے ضلع صدر کا استقبال میں نعرے بازی کی۔
بارہ بنکی کے ضلع صدر کو پرینکا گاندھی واڈرا کی ہدایت پر منتخب کیا گیا۔
پارٹی اعلی کمان نے یہاں کے نوجوان رہنما محمد محسن پر اعتماد ظاہر کیا ہے۔
دو حصوں میں تقسیم کانگریس میں نومنتخب ضلعی صدرمحمد محسن، پی ایل پنیا کے خاص مانے جاتے ہیں۔
یہی وجہ ہے کہ ان کی استقبالیہ تقریب میں کثرت سے کانگریس کارکنان نے شرکت کی لیکن محمد محسن کے کنبے سے کسی شخص نے شرکت نہیں کی۔
محمد محسن کی استقبالیہ تقریب میں تمام لوگوں نے امید ظاہر کی کہ محمد محسن کانگریس کو مضبوطی دیں گے اور محمد محسن نے یقین دہانی کرائی کہ وہ سب کو ساتھ لے کر آگے چلیں گے۔
