پولیس لائن میں بیرک کی چھت منہدم، ایک سپاہی ہلاک

ملبے میں ابھی بھی کئی لوگوں کے دبے ہونے کا اندیشہ ظاہر کیا جارہا ہے۔ زخمیوں کو کان پور کے ہیلٹ اسپتال میں بھیجا گیا ہے۔ اس حادثے میں سپاہی اروند کی موقع پر دردناک موت ہوگئی ہے۔

کانپور تھانہ علاقہ میں واقع پولیس لائن میں اس وقت کھلبلی مچ گئی جب ایک بیرک کی چھت اچانک گرگئی۔ چھت کے نیچے دبنے سے ایک سپاہی کی موت ہوگئی، جبکہ 4 سپاہی زخمی ہوگئے۔ زخمیوں کو فوراً ہیلمیٹ اسپتال میں داخل کرایا گیا ہے۔ ہلاک شدہ سپاہی کا نام اروند بتایا جارہا ہے۔

جائے حادثہ پر ریسکیو آپریشن کے لیے کئی ٹیمیں لگائی گئی ہیں۔ ملبہ ہٹانے کا کام جنگی پیمانے پر جاری ہے۔ میونسپل کارپوریشن سے کئی جے سی بی اور کئی گاری منگائے گئے ہیں۔ جو راحتی کام میں لگے ہیں۔ راحتی کام کے لیے پولیس کی کئی ٹیمیں بھی لگی ہوئی ہیں۔ پولیس کے اعلیٰ افسر بھی موقع پر موجود ہیں۔ افسران کی دیکھ بھال میں راحت کام مسلسل جاری ہے۔ ابھی بھی کئی لوگوں کے دبے ہونے کا اندیشہ ظاہر کیا جارہا ہے۔ زخمیوں کو کان پور کے ہیلٹ اسپتال میں بھیجا گیا ہے۔ اس حادثے میں سپاہی اروند کی موقع پر دردناک موت ہوگئی۔ پولیس کے اعلیٰ افسران نے زخمیوں اور ہلاک شدگان کے اہل خانہ کو اطلاع دے دی ہے۔