شب برات میں کانپور کے قبرستان ہوئے گلزار

شب برات یعنی مغفرت کی رات کو کانپور کے مسلمان تمام قبرستان میں پہنچ کر اپنے بزرگوں کے ایصال ثواب اور ان کی مغفرت کے لیے دعائیں کر رہے ہیں۔ قبرستان کے باہر بڑی تعداد میں پھول اگر بتی کی دکانیں بھی سج گئیں ہیں۔

کانپور میں چھوٹے بڑے ایک درجن سے زیادہ قبر ستان ہیں، جہاں آج بڑی تعداد میں مسلمان اپنے بزرگوں کی مغفرت کے لیے اکٹھا ہو رہے ہیں۔ مسلمان قبرستان میں پھول اور اگر بتی لے کر آرہے ہیں جو اپنے بزرگوں کی قبروں پر اگر بتی روشن کر رہے ہیں پھول پیش کررہے ہیں۔

عتر اور خوشبو کا چھڑکاؤ کر کے قبروں کو معطر کر کے اپنے بزرگوں کے لئے فاتحہ پڑھ رہے ہیں۔ ان کی مغفرت کے لیے دعا کر رہے ہیں، ایصال ثواب کے لئے قرآن کی تلاوت کر رہے ہیں، درود پاک کا نذرانہ پیش کر رہے ہیں۔ قبرستان میں بڑی تعداد میں مسلمانوں کی آمدورفت کا سلسلہ جاری ہے۔

قبرستان کے باہر بڑی تعداد میں پھولوں کی دکان، اگربتی کیوڑا اور عطر کی دکانیں سجی ہوئی ہیں جہاں سے مسلمان انہیں خرید کر قبروں پر پیش کر فاتحہ اور درود و سلام کا نذرانہ پیش کرکے اپنے بزرگوں کی مغفرت اور ان کے ایصال ثواب کے لیے دعا کر رہے ہیں۔