گلبرگہ: حضرت سید محمد فاروق نظامی شاہ نوری کا اصلاحی خطاب

ریاست کرناٹک کے گلبرگہ شہر میں قائد ملت ہال نیا محلہ گلبرگہ میں ابنائے باقیات گلبرگہ کے زیر اہتمام ایک تربیتی و اصلاحی اجلاس کا انعقاد ہوا۔

اس موقع پر مہمان خصوصی پیر طریقت مولوی سید محمد فاروق نظامی پانڈیچری نے اپنے خطاب میں کہا کہ' دنیاں بھر میں انسان امن چاہتے ہیں۔محبت امن بھائی چارگی سے ہی انسانیت کا پیغام ملتا ہے۔ مسلمان اپنے آپسی اختلاف کو مٹا کر اتحاد بھائی چارگی امن محبت سے زندگی گزاریں۔ حصول علم کے ساتھ ساتھ اس پر عمل کر نا بھی ضروری ہے۔

ملک کے موجودہ حالات پر مسلمان حکمت عملی سے کام لیں۔ مسلمان اپنے مذاہب کے تئیں پکے اور سچے بنیں۔اللہ ہی ہر مخلوق کو رزق دینے والا ہے۔ آج دنیاں میں انسان حکومت کر تا ہے ۔لیکن آج تک کسی انسان کی حکومت قائم نہیں رہی ہے۔ کسی نا کسی دن انسان کی موت طے ہے۔

حکومت کو چاہئے کہ وہ عوام کا تعاون کرے اور انہیں خوش رکھے۔ بھارت ایک جمہوری ملک ہے۔یہاں پر ہر مذہب کے عوام رہتے ہیں۔اس ملک میں گنگی جمنی تہذیب دیکھنے کو ملتی ہے۔مگر حکومتیں اپنی سیاسی مفاد کے لئے اس ملک کے جمہوری نظام خراب کرنے کی کوشش کر رہی ہیں۔اللہ ایسے سیاسی رہنماؤں کو ہدایت دیے۔